Fanga – Trap

Fyrsta skref í mannúðlegri föngun villtra katta er að ná þeim í búr og koma þeim í öruggt umhverfi þar til hægt er að senda þær til dýralæknis. Í því felst að setja upp sérstök búr og vakta dag og nótt.

Gelda – Neuter

Ógeldar læður geta eignast allt að 20 kettlinga á ári – eða yfir 300 afkomendur á þremur árum! Afkoma villtra katta er ekki góð og því er mikilvægt að taka læður og fressa úr sambandi til að sporna við offjölgun villtra katta.

Skila – Return

Þegar búið er að taka kisurnar úr sambandi og þær hafa jafnað sig, þá er óhætt að skila þeim aftur til síns svæðis, þar sem gott fólk sér til þess að kisurnar hafi greitt aðgengi að mat alla daga ársins.

Ekki allar kisur fara aftur út

Það sem byrjaði sem föngun villtra katta hefur þróast í björgun umkomulausra katta úr öllum áttum.

Við tökum inn kisur sem finnast á vergangi og einstaka heimiliskisur frá heimilum sem komin eru í þrot. Villikisur sem eru komnar á aldur eða sýna merki þess að geta vanist heimilislífinu fá líka tækifæri að njóta lífsins inni í hlýju og öryggi.

Skoða kisur í heimilisleit

Dýralæknarnir okkar

Við eigum í góðu samstarfi með dýralæknum um allt land, en Villikettir starfa með eftirfarandi dýralæknum

Dýralæknastofa Hafnarfjarðar

Dýralæknaþjónusta Suðurlands

Dýralæknastofa Suðurnesja

Dýralæknaþjónustan Loppur og hófar

Dýralæknaþjónusta Vesturlands

Dýralæknastofan á Egilsstöðum

Við bendum á að dýraspítalinn Animalía sinnir neyðartilfellum á höfuðborgarsvæðinu allan sólarhringinn, í síma 555-0112. Upplýsingar um dýralækna á vakt í öðrum landshlutum má finna á vef MAST.

Vilt þú hjálpa?

Það eru nokkrar leiðir sem styrkja okkar starfssemi, bæði beint og óbeint.

Frjáls framlög

Við tökum við frjálsum framlögum inn á reikning 0111-26-73030 kt. 710314-1790 en þú getur líka keypt styrk eða annan varning í styrktarverslun Villikatta.

Vefverslun

Gerast Villingur

Villingar (sjálfboðaliðar) sinna ýmsum verkefnum félagsins, t.d. skutli, vöktum í koti, skráningum, fjáröflun og fleiru. Margar hendur vinna létt verk!

Vertu Villingur

Fóstra kött

Fósturheimili taka að sér kisu í lengri eða styttri tíma. Sumar kisur þurfa tíma til að læra að treysta, aðrar fara strax í leit að framtíðarheimilum.

Fósturheimili

Villikettir um allt land

Félagið hefur vaxið gríðalega hratt seinustu ár enda þörfin fyrir að hjálpa villi- og vergangsköttum um allt land mjög mikil. Það er frábært starf unnið um allt land, hér að neðan eru upplýsingar um allar okkar deildir. Hægt er að styrkja deildirnar á margvíslegan hátt, en einnig er hægt að leggja beint inn á þær. Kennitalan er sú sama og fyrir félagið: 710314-1790.